你有冇試過——想喺平凡日常入面搵啲突破，但又唔知點開始；
心裡面有唔同嘅迷惘，好似纏擾咗一段時間咁樣；
有個活動你心郁郁好想參加，但又遲遲未報名、行唔出嗰一步；
好多時候，人生嘅可能性同方向，係要透過交流同分享，慢慢碰撞、慢慢搵出嚟嘅。所以我專登開咗呢個環節，想透過一杯咖啡嘅時間，了解多少少你嘅故事、你嘅迷惘、或者你嘅心之所向，喺各自搵自己、搵方向嘅路上，互相鼓勵一下。
事先講明，我唔係咩專家，亦都唔係人生 / 職涯導師。我自己都仲喺探索緊，有自己嘅迷惘，有卡住嘅地方，有試完先知唔啱嘅嘢。
所以呢個唔係「我教你點做」，佢比較似兩個同路人坐低，一齊了解吓大家嘅故事同諗法，再睇吓條路可以點摸索出嚟。
填完之後我會透過你提供嘅 Threads / Instagram DM 你約時間 🙏
