《靈魂奇遇記》影評：靈魂熱了，那種心跳，是多麼重要

今日想介紹一套我非常鍾意嘅電影：靈魂奇遇記。 唔知你有冇試過，有一刻突然停低，問自己—— 「我而家做緊嘅嘢，係唔係我真正想要嘅？」 --- 《靈魂奇遇記》係迪士尼Pixar 2020年嘅作品，故事講一個一心追求爵士樂夢想嘅紐約老師，意外昏迷之後，靈魂去到一個叫「起點之前（Great Before）」嘅世界。佢喺度遇上了22號——一個幾千年都唔肯投胎、覺得做人「冇咩咁好」嘅老靈魂。 兩個人，兩種極端。 一個覺得：冇咗夢想，活著有咩意思？ 一個覺得：地球係咩東東，值得我去嗎？ 睇落係對立，其實佢哋都係卡住咗。 --- Rubberband有首歌叫《Dedicated To》，我覺得係呢套戲最好嘅配樂（雖然唔係原聲）。 歌詞係咁寫嘅—— *「眼鏡手機襯衣 動作聲音咬字⋯⋯在這倒模城市中每人，怎麼很相似」* 係唔係好似？我哋慢慢被城市磨走稜角，連自己都認唔出曾經嘅自己。 再唱落去： *「記得很久曾經，做過堅執決定，望鏡子卻全看不到曾天真的率性」* 阿祖追夢追咗大半生，22號逃避投胎逃咗幾千年。兩個人同樣係——生活沖淡了自己，又唔知由幾時開始。 --- 但電影最令我感動嘅地方，唔係阿祖最終有冇上台表演。 係佢喺一個普通下午，坐喺樓梯口，感受到一陣微風、一片落葉——然後才第一次真正感覺到，原來「活著」本身，就已經係一種「火花」。 唔需要偉大。唔需要成功。 Pizza好食，係火花。 同陌生人傾了幾句，係火花。 第一次覺得陽光係暖嘅，係火花。 《Dedicated To》副歌唱： *「全場離開了，才獨自覺醒了，靈魂熱了，那刻相信，為自己起舞」* 我諗呢句，就係整套戲想講嘅嘢。 --- 我哋喺人生實驗所，成日話「解鎖人生唔同嘅可能性」，但其實我哋更想做到嘅係—— 幫你搵返嗰個「全場離開咗，你一個人係度，仲係覺得值得」嘅感覺。 唔係要你辭職去流浪。唔係要你搵到天命。 只係，試吓。 試吓去一個陌生地方做義工，試吓喺唔同嘅城市共居一個月，試吓跳出個 routine，感受下係咪仲有嘢，會令你嘅靈魂搵得返呢一份火花。